愛情如戲

曾幾何是，我自己不知道愛情根本是齣劇。

然後有一天，本人就發現戀愛是一樣非常Dramatic的東西，雖然可能未有Shakespeare William’s Romeo and Juliet 的那一抹轟烈和浪漫，但卻定不會比無線電視的肥皂劇爛。

Anson週末來電，又再次証明本人的Assertion。

還記得暑假，Anson身邊有兩個重要的男人，一個是英籍德瑞國際學校教師Martin，另一個是回港不久的American Born Chinese Jimmy。Anson跟Martin差不多已有兩年多些的時間了，但近來關係上出現了波折，加上Jimmy的介入，那是個Anson面對抉擇的時候。

一個七月炎熱的仲夏夜，Anson出事了；Boey、Nicole和我組成「今夜陽光燦爛」討論團，於Time Square對面的Red Ant替Anson的困局開鎖。

「Martin又去泰國啦，第三次啦！一去就兩個月，我都唔知點好……我覺得佢出邊有第二個。」

「你有無Check佢床頭櫃？男人D秘密係哂入邊架喎！」非常記得Boey當時是這樣說，因這句是Anson做抉擇的轉捩點。

「係囉，D書都係咁寫架。」我接著Boey。

「佢成櫃都係泰國既Go Go Boy……」

Anson這句話後，大家都沈默了一會，啜了幾口自己的奶茶咖啡；很明顯，結論就是：「Martin要不得，就ABC啦！」

之後，果真一切都像發展得好好。ABC還要求Anson半年後跟他回New York發展。

但一切都只是「好像」，「好似」，劇中個角色暫時退回後台，台上少了個對手演戲罷了。

四個月後，亦是Martin從泰國回來後的兩個月，他終於忍不住致電了給Anson。

「我而家真係唔知點做呀！我原本都係趁佢去左泰國之後，就靜靜咁走（分居），但係佢今朝打俾我，同我講佢無一晚訓得好……我好心痛架！」

「咁你想點丫？你唔搵Boey佢地？」我對Anson的來電其實有點反感，因它打亂了我週末的瘋狂溫習大計。

「我唔敢同佢地講……佢地而家同Jimmy熟左啦，有傾有笑。我覺得佢地始終都係因我而認識繼而做埋朋友，我唔想因為我又搞到佢地雞毛鴨血咁囉……我見你又唔係成日係香港，唔同Jimmy熟，咪搵你囉。咁我而家要點？」

「你同Martin傾左D咩？」

「佢打俾我，跟住我上左佢屋企，佢未開口，我就已經喊啦！我諗真係仲鐘意佢呀，一直都無放低佢。之後連佢都喊，佢同我講佢出邊無人，係泰國無做對我唔住架野，但係近呢四個月我唔係佢身邊，佢係香港竟然叫Money Boy……係Money Boy呀！我應唔應該原諒佢？但我有好似過唔到自己果關。」

「Goodness me.」

寬恕一個人，那麼個人的決定都要別人來作判斷，他有病嗎？

我沒有回答Anson任何問題，只是叫他自己去思索。除了是自己在溫習Calculus時特別燥熱外，我還開始對Anson把自己的愛情給外人作判決的態度開始厭惡。要知道，Anson那副哭哭啼啼、總是不肯一人面對愛情的模樣，真的叫朋友擔心。

懂得把愛情演繹成一團糟透的泡的人多，譜得像Jean Austen’s Pride and Prejudice的人少之又少。

記得自己也有一齣如戲的愛情，而且拖拖拉拉，尚未圓演；但如何去演，我不會過問你，因為這齣是我的戲，化作套泣鬼神的大悲劇也是我的事。

各位朋友，你只要安坐在台下，做我的觀眾就好了。