尋找曾近榮

以下是一些近期本人與友人會牽涉曾近榮博士的傾談節錄：

「……咩話？曾近榮？……actually死左未呀佢？……點知你喎。你知啦，我咁矜貴，衫褲果類野洗幾次就唔要架啦！……講笑咋！……」

「嘩！……使唔使搵佢呀？……性曾都唔方好啦！哈哈哈……唔多清楚喎，你都知我唔都著粉色衫架……」

「……咁誇呀，趕住同佢拜山咩……而家啲洗衣粉豉油跡都搞掂到架喎。……你食咩咁勁抽啲跡整唔甩呀？你食……精呀？……哈哈哈哈，sorry囉！……」

本人開始對自己的社交層面的質素產生懷疑，究竟我識著怎樣的一班人！竟然沒有完整的一個人能告訴我曾近榮的工具書哪兒有售！

話說本人近期開始喜歡即興四出尋食，由SOHO食到NOHO，結果就當然很明顯，衣櫃一眾名Tee皆受牽連，被沾上沙爹有時、蜜芽糖有時、介末有時……總之茶米油鹽等攻擊力甚低的少許，新派德意法式fusion奇怪難搞配料就多多！本人也許就是一隻如此奇怪的生物，老早就知會有不小心弄髒的可能，淺色衣服不宜穿也，但就是犯賤，不知是不是有時心情太過好，粉紅粉綠粉藍非穿不可；於是，一個不覺意……輕微的回家洗洗沒事，嚴重的濕了水更「小事化大」，打定歸西。

反轉Pageone後再到對面街的三聯再找，完全沒發現，一本他的工具書也找不到，似乎是曾近榮博士真的死了，再版賺點也嫌煩。

結果呢，本人就死死氣走到翠華吃了個能與乾毛巾一較高下的三文治，加一杯凍檸水少少少甜，就是怕那些下午茶又對本人的Tee有所不軌；與鄰座吃著咖哩的Roy和Nicole形成強烈對比……
怎都好，如大家有曾近榮的消息，請告訴本人！懸紅為……一個美食blog！（說真的！本人已構思很久的了。）

Monday, February 27, 2006